da Flurina Cavegn-Tomaschett
Suenter siu batten seretrai Jesus per curonta dis el desiert. Avon ch’entscheiver sia missiun enquera el leu la solitariadad per esser cun Diu. Ils curonta dis regordan vid ils curonta onns ch’il pievel d’Israel ei viandaus tras il desiert. Igl evangelist descriva il desiert sco in paradis, nua ch’ils aunghels ed animals selvadis surveschan ad el. Lu serenda Jesus en Galilea, nua ch’el annunzia igl «Evangeli da Diu»: Ei dat spindrament per quel che seconverta e crei en quella buna nova.
Mc 1,12–15
12E cuninaga ha il Spert catschau Jesus el desiert. 13Curonta dis eis el restaus el desiert, tentaus dil satan. EI viveva culs animals selvadis, ed ils aunghels survevan ad el. 14Suenter che Gion ei staus mess a ferm, ei Jesus serendius en Galilea. Leu ha el annunziau la buna nova da Diu e detg: 15Cumplenius ei il temps, ed il reginavel da Diu ei damaneivel: Seconverti e cartei alla buna nova!
