Tgi essan nus?

Pievel da Diu

Il «Pievel da Diu» ei in vegl maletg per la cuminonza cristiana. Il 2. concil vatican drova savens quella noziun, oravontut cun igl intent dad accentuar l’egualitad denter tut ils pelegrins che caminan sin la via dil Segner tras quest mund.

En quella tenuta e sut quei tetel s’entupein nus sco gruppa dad interessai regularmein dapi igl onn 2013 en casa pervenda a Glion. El center dils discuors stattan per ordinari in text biblic ed in dil 2. concil vatican. Sco «Pievel da Diu» encurin nus la via el temps dad oz, risguardond il Plaid da Diu ed il mund che circumdat nus. Ual quei ha era il 2. concil vatican fatg. Aschia ein nossas sentupadas ina fueina da farvegiar nossas ideas e da parter ellas cun la gruppa che secumpona schibein dad umens sco dunnas, da laics, teologs ed ordinai. Las sentupadas ein el medem mument era ina scola da tedlar e da toleranza.

En cass da damondas ni d’interess sa vegnir priu sin contact entras il formular da contact ni directamein cun ina dallas persunas numnadas cheusut: