da sur Marcus Flury
Quella lecziun ei ord la quarta canzun dil survient da Diu. Tgi che quei survient dil Segner ei, vegn buca detg. Igl ei enzatgi che ha survegniu in’incarica sur Israel ora. Perquei vegn ei plidau da «biars», als quals giustia vegn purtada entras il survient da Diu che sto pitir. Nus astgein interpretar quei text sin Jesus. En el ei quella visiun serealisada. El ei vegnius per prender entras sia mort la cuolpa da biars sin sesez. «Cu sia pitgira ei lu a fin, vegn el a veser la glisch ed esser saziaus.» Ei quei buca gia ina allusiun alla levada?
Jes 53,10–11
Il Segner sez ha vuliu pitgar el cun malsogna.
Sch’el porscha sesez sco unfrenda,
sa el veser descendenza e prolungir sia veta;
tras el duei il plan dil Segner ir en vigur.
Cu sia pitgira ei lu a fin,
vegn el a veser la glisch ed esser saziaus.
Entras sia peina porta miu survientil survient gest che s’unfrescha pils auters ei in enconuschent motiv biblic che vegn era duvraus per Jesus
sco gest giustia a biars,
perquei ch’el ha priu lur puccaus sin sesez.
