· 

2. dumengia da cureisma (C) – emprema lecziun

da sur Marcus Flury

Dieus veva empermess ad Abram descendenza, possess e tiara. Ils onns vargan e per Abram setschenta la damonda, sche quella empermischun mondi zacu en vigur. Dieus plaida aunc inaga cun Abram e confirma sia empermischun.

La fuorma co la ligia vegn sigillada ei per nus jastra. Tenor veglia tradiziun vegnevan animals tagliai permiez e las duas partidas che levan far ina ligia stuevan passar tras quella gassa. Cheutras vegnev’ei detg: Aschia duei jeu vegnir scarpaus dapart sche jeu rumpel la ligia.

Quella ligia para periclitada. Utschals da rapina sederschan sils segns dalla ligia. Era sche Abram vegn da spuentar els, croda el en tema. Ei vegn stgir entuorn el. En siemi fa el atras la malguessadad dil carstgaun che sa buca co siu futur vesa ora. En quei siemi vesa el denton era co il ritual dalla ligia vegn ademplius da Diu. El vesa Diu el maletg dil tizun che girava denter las parts vi e neu. Dieus lai aschia sentir el ch’el vegni a setener vid la ligia. El di cheutras: Ti, Abram, vegns a ver in futur ed ina tiara per viver.

Gen 15,5–12.17–18

Lezs dis ha Dieus menau giuadora AbramCheu porta el il num Abram, quei che munta bab dalla collina e muossa porbabel vi silla pratica dall’unfrenda sin in crest. e detg ad el: Mira viers il tschiel e dumbra las steilas – sas dumbrar ellas? Ed el ha empermess: Aschi numerus duein tes descendents esser.

Abram ha cartiu al Segner, e lez ha quintau quei ad el per giustia. E Dieus ha detg ad el: Jeu sun il Segner che ha menau tei or dad Ur en Caldea, che jeu detti a ti questa tiara per agen. Mo Abram ha rispundiu: O Segner, miu Diu, co sai jeu percorscher che jeu vegn a posseder ella?

Cheu ha Dieus cumandau agli: Va per ina vacca da treis onns, ina caura da treis onns, in anugl da treis onns, ina turturella ed ina columba giuvna. Ed Abram ei vegnius cun tut quels animals, ha tagliau els permiez e mess las parts ina visavi l’autra: mo ils utschals ha el buca tagliau permiez. Ed ils utschals da rapina ein sederschi sill’estga, mo Abram ha spuentau els. Cu il sulegl ei ius da rendiu, ei in sien profund curdaus sin Abram, ed uarda, nera tema ha tschaffau el. Essend il sulegl ius da rendiu, cu igl ei vegniu stgir, uarda: In burniusegn per la presenza da Diu fimont ed in tizunsegn per la presenza da Diu da fiug giravan denter las parts vi e neu. Quei di ha il Segner fatg ina ligia cun Abram ed ha detg: A tia schlatta dun jeu questa tiara naven dil flum d’Egipta tochen al grond flum, igl Eufrat.

Download
Versiun per stampar
Advent 1 A.pdf
Adobe Acrobat Dokument 88.3 KB

☛ evangeli dalla dumengia: Lc 9,28b–36