6. dumengia da Pastgas (B) – secunda lecziun

1 Gn 4,7–10

Mes cars, lein carezar in l’auter,
pertgei la carezia vegn da Diu,
e scadin che ha carezia,
ei naschius da Diu ed enconuscha Diu.
Tgi che careza buc, ha buc enconuschiu Diu,
pertgei Dieus ei la carezia sezza.
La carezia da Diu viers nus
ei semussada tras quei
che Dieus ha tarmess siu suletnaschiu Fegl sil mund,
per che nus vivîen tras el.

La carezia consista buca en quei
che nus vessen carezau Diu,
mobein ch’el ha carezau nus
e tarmess siu Fegl
sco unfrenda d’expiaziunTenor il Veder Testament eis ei da far certas unfrendas per refar quei ch’ei rut entras il puccau. per nos puccaus.