da Flurina Cavegn-Tomaschett
Sogn Paul ha fatg en sia veta ina experientscha radicala cun Diu. El ha terminau siu vegl esser ed entschiet ina veta sco niev carstgaun. El ei perschuadius che mintga carstgaun sa sentir la medema conversiun.
Aschia descriva el la cardientscha so ina nova scaffiziun. Il niev, che deriva da Diu, ei la reconciliaziun. Entras ella ei nova veta pusseivla, ella regala danovamein quella unitad cun Diu che era previda naven dall’entschatta.
Sogn Paul vesa sesez sco mess da Diu ed admonescha perquei: Sereconciliei cun Diu!
2 Cor 5,17–21
Mes frarsCheu san ins leger «Mes frars e mias soras».! Sch’enzatgi ei en Cristus, eis el ina nova creatira; il vegl ei vargau,
zatgei niev ei daventau.
Mo quei tut deriva da Diu che ha reconciliau nus cun sesez tras Cristus e confidau a nus il survetsch dalla reconciliaziun.
Pertgei Dieus ei staus quel che ha en Cristus reconciliau il mund cun il plaid dalla reconciliaziun.
Nus essan pia tarmess en num da Cristus, sco sche Dieus admoness tras nus. En num da Cristus supplichein nus vus: Sereconciliei cun Diu!
Quel che ha buca enconuschiu il puccau, ha Dieus fatg esser puccau per nus, sinaquei che nus daventeien giustia da Diu enten el.
☛ 1. lecziun dalla dumengia: Jos 5,9a.10–12
☛ evangeli dalla dumengia: Lc 15,1–3.11–32
