dad Andri Casanova
Dil temps che la brev alla cuminonza dad Efesus ei vegnida scretta, era bein ina dallas dils cristifideivels da viver amiez nuncartents. La brev drova per quei il maletg dalla glisch. Tras la glisch da Cristus, tras lur batten, ein els sezs daventai glisch, circumdai dalla stgiradetgna paganila. La brev encuraschescha da viver quella glisch, pia da demussar buontad, giustia e verdad. La finala ei la glisch enzatgei che vul buc mo star tier nusezs, mobein irradiar viado el mund. Pia, curascha dad esser buntadeivels, gests e verdeivels.
Ef 5,8–14
Mes cars! Inagada eras vus stgiradetgna, mo uss essas vus daventai glisch tras il Segner. Viandei perquei sco affons dalla glisch! Pertgei il fretg dalla glisch consista en tutta buontad, giustia
e verdad.
Examinei, tgei ch’ei plascheivel al Segner, e buca separticipei dallas ovras nunfritgeivlas ord la stgiradetgna, anzi inculpei e demascrei ellas. Quei che daventa numnadamein denter els el
zuppau, ston ins tut seturpegiar d’insumma numnar.
Mo tut quei che vegn accusau, vegn sclariu dalla glisch.
E tut quei che vegn sclariu, ei glisch. Perquei vegn ei detg:
Sededesta, ti che dormas,
leva si dils morts,
e Cristus vegn ad illuminar tei.
☛ 1. lecziun dalla dumengia: 1 Sam 16,1b.6–7.10–13a
☛ evangeli dalla dumengia: Gn 9,1–41
