1 Pd 1,17–21
Mes cars! Sche vus numneis Bab quel che giudichescha scadin tenor sias ovras senza mirar sin persunas, lu stueis vus viver en tema da Diu duront il temps da vies exil.
Sco vus saveis, essas vus cumprai libers da vossa vana maniera da viver, artada da vos perdavons, buca cun beins vargheivels, cun argien ni aur, mobein cul saung prezius da Cristus, dil Tschut
senza macla e menda. El ei gia staus destinaus avon la fundaziun dil mund, mo per amur da vus eis el cumparius il davos temps.
Tras el essas vus arrivai alla cardientscha enten Diu che ha leventau el dils morts e dau ad el la gloria, sinaquei che vossa cardientscha seigi era speronza en Diu.
