1 Pd 2,20b–25
Mes cars! Sche vus fageis dil bien e stueis tonaton pitir, mo supporteis tut cun pazienzia, lu ei quei grazia avon Diu.
Ad in tal agir essas vus vegni clamai, pertgei era Cristus ha pitiu per vus ed ha dau a vus in exempel, sinaquei che vus suandeies ses pass.
El ha buca fatg puccau, ed en sia bucca han ins anflau negina faulsadad. Cu el ei vegnius insultaus, ha el buca insultau; cu el ha pitiu, ha el buca smanatschau, mobein surschau sia caussa a quel
che fa gesta dertgira.
El sez ha purtau vid siu tgierp nos puccaus al lenn dalla crusch, per che nus, liberai dils puccaus, vivien en giustia. Tras sias plagas essas vus vegni medegai.
Vus fuvas gie sco nuorsas parsas, mo uss essas vus returnai tier il pastur e pertgirader da vossas olmas.
