da Flurina Cavegn-Tomaschett
Alla fin digl otgavel capetel da sia brev als Romans contonscha Paulus in punct culminont da siu messadi. En plaids impressiunonts tschenta el la damonda, tgei che savess sparter il carstgaun dalla carezia da Cristus. El numna las smanatschas e pussonzas che san scurlar la veta e far tema. Mo sia risposta ei purtada d’ina profunda segirtad che marchescha igl entir tschancun. Quels plaids vigurus s’audan tier ils pli enconuschents texts digl apiestel Paulus.
Ro 8,35.37–39
Mes cars! Tgi sa sparter nus dalla carezia da Cristus? Forsa tribulaziun, anguoscha, persecuziun, fom, niuadad, prighel ni spada? En tut quei victorisein nus levamein entras quel che ha carezau
nus.
Gie, jeu sun perschuadius che ni mort ni veta, ni aunghels ni principats, ni caussas presentas ni futuras, ni pussonzas, ni altezia ni bassezia, ni schiglioc in’autra creatira seigien el cass da
sparter nus dalla carezia da Diu, manifestada en Cristus Jesus, nies Signur.
