da
–
Sab 18,6–9
Lezza notg ei vegnida fatga enconuschenta ordavon a nos perdavons, per ch’els seigien plein confidonza savend cun segirtad a tgei engiraments els hagien cartiu.
Da tiu pievel vegneva spitgau il salvament dils gests e la perdiziun dils schliats; pertgei duront che ti has castigiau ils adversaris, has ti procurau honur a nus clamond nus tier tei.
Ils buns affons dils gests han fatg lur unfrenda el zuppau, han fatg unanimamein il patg divin, ch’ils sogns dueien ver en medema maniera art e part dils beins e dils prighels; e gia han els entschiet a cantar ils himnis dils perdavons.
