da sur Marcus Flury
Duront igl exil a Babilon ei la cardientscha vegnida zaccudida. Ils exilants vevan l’impressiun da stuer pitir pervia dil disdir dils perdavons. Nua ei la giustia divina?
Il profet curregia quella vesta. Dieus castigia il singul carstgaun pervia da sia cuolpa persunala. Sch’el seconverta e pratichescha dretg e giustia, astga el sentir la misericordia divina. Dieus ei a moda divina gests. Cun quels plaids da Diu fa il profet curascha al pievel deportau, mo era a nus, da seconverter e da ver fidonza ella giustia divina che semuossa en misericordia.
Ez 18,25–28
Aschia plaida il Segner: Vus scheis: Igl agir dil Segner ei buc en uorden! Teidla, casa d’IsraelLa «casa d’Israel» ei in’autra expressiun per il pievel d’Israel.! Eis ei miu agir ch’ei buc en uorden?
Ei buca plitost vies agir buc en uorden? Sch’il gest semeina naven dalla giustia e fa puccau (e miera lu pervia da quel), lu miera el pervia dil puccau ch’el ha commess. Sch’il puccont semeina naven dil schliet ch’el ha fatg e pratichescha dretg e giustia, lu duei quel viver. El ei sedecidius da sevolver naven da tut puccau ch’el veva fatg. Pilver, el duei viver e buca murir!
Aschia plaida il Segner, il Tutpussent.
