· 

3. dumengia d’advent (A) – emprema lecziun

dad Andri Casanova

En in temps da malsegirezias e malgiustias tarmetta il Segner in profet che porta ina buna nova plein speronza. El enfascha quei ch’ei sfraccau, el liberescha quei ch’ei encadenau. Salit e giustia ein siu vestgiu. Mo quella nova e quellas valurs ch’il profet porta ein falombras, falombras sco il schiermet ch’entscheiva a catschar.

Quei schiermet tuorna ella persuna digl affon Jesus, Dieus ella falombradad d’in nievnaschiu human. En quella fleivlezia e deblezia nescha la giustia, nescha la pasch e nescha il spindrader.

Jes 61,1–2a.10–11

Il Spert dil Segner ei sur da mei,
perquei ch’il Segner ha unschiu mei.
El ha tarmess mei a purtar buna nova als paupers,
ad enfaschar quels d’in cor sfraccau,
ad annunziar libertad als perschuniers
e liberaziun als encadenai,
a proclamar in onn da grazia dil SegnerIgl onn da grazia e da giubel porta liberaziun da deivets e da puccaus (cf. Lev 25)..

Selegrar vi jeu sur dil Segner,
mia olma giubilescha enten miu Diu,
pertgei el ha vestgiu mei cun vestgadira dil salit
enzugliau mei cul manti da giustia;
sco quei ch’il spus metta si il tschupi,
sco quei che la spusa seornescha cun ses ornaments.
Pertgei sco la tiara catscha siu schiermet
e sco il curtgin fa pruir sia semenza,
aschia fa Dieus il Segner pruir giustia
e laud avon tut ils pievels.

Download
Versiun per stampar
Advent 3 B.pdf
Adobe Acrobat Dokument 74.8 KB

☛ evangeli dalla dumengia: Gn 1,6–8.19–28