Lev 13,1–2.45–46
Il Segner ha plidau cun Moses ed Aron schend: Sch’ei semuossa silla pial d’in carstgaun in’unfladira, in rugn ni ina tacca alva, e quei daventa sin sia pial ina plaga da lepra, lu duei quel vegnir menaus tier il sacerdot Aron ni tier in da ses fegls sacerdots.
Il leprus che ha la plaga duei purtar vestgadira scarpada, ses cavels dueien esser sligiai, el duei curclar siu barbis e grir: Malmund! Malmund! Tut il temps ch’el ha la plaga duei el esser malmunds. Malmunds eis el. El duei star dapersei. Sia dimora seigi ordeifer il camp.
