da sur Marcus Flury
La nuviala fundamentala da quella lecziun ei ina positiva, era sche quei ei buc veseivel sin l’emprema egliada: Ils cristians duein tener la dira en vesta alla legria ch’ei preparada per els. Ei vala la peina da sestentar per la finamira ch’ei preparada per els e quei cun prender Jesus sco exempel, el che ha priu sin el la mort vid la crusch. Igl autur da quella brev vul aschia far curascha a lecturs e lecturas da buca daventar staunchels el cumbat encunter il puccau.
Heb 12,1–4
Mes frarsCheu san ins leger «Mes frars e mias soras».! Nus lein scurlar giu scadin buordi e sefar libers dils latschs dil puccau e
cuorer cun perseveronza la cuorsa fixada per nus.
Lein alzar nossa egliada tier Jesus, igl autur dalla cardientscha, che meina quella alla perfecziun. El ha, en vesta alla legria che fuva preparada per el, priu la crusch sin sesez senza far stem
dalla vergugna, e sesa ussa da vart dretga dil tron da Diu.
Contemplei la resistenza che Jesus ha stui supportar encunter sia atgna persuna, sinaquei che vus vegnîes buca stunclentai e perdeies buca la curascha.
Vus veis gie buc aunc resistiu tochen sil saung el cumbat encunter il puccau.
☛ 1. lecziun dalla dumengia: Jer 38,4–6.8–10
☛ evangeli dalla dumengia: Lc 12,49–53
