da sora Armina Maissen
Con spert san differents meinis leventar discordia en cuminonzas, era religiusas. Quei stuess denton buc esser. Ins astga e duei haver meinis. Ei dependa mo danunder ch’els vegnan. Tgei
leventa discordia? Eisi scuidonza? Vi jeu adina haver il davos plaid? Eisi in gargiament da pussonza? (mira p. ex. ella politica en bia parts dil mund) …
Paulus auda da quella discordia denter ses cristifideivels ed admonescha la cuminonza. El senta, ch’els ein sin buna via da piarder la vera glisch, il center da tut, il qual Jesus Cristus ei.
Jesus Cristus sulet ha spindrau nus entras sia mort vid la crusch.
Paulus admonescha els – ed era – nus cun sempels plaids, cun plaids digl evangeli, cun plaids che nus tuts essan habels da capir en nies mintgadi. Lein esser allerts per quels, pertgei nus vivin
en in mund da bia meinis e prigulusas influenzas che vulan menar nus naven dil center Jesus Cristus.
Segner, veglia sur da nus e protegia nus! Amen.
1 Cor 10,10–13.17
Mes cars, jeu admoneschel vus el num da Niessegner Jesus Cristus:
Seigies tuts perina en vies discuorer, e denter vus duei ei buca dar partidas. Seigies plitost units el medem meini ed ella medema perschuasiun. Sur da vus, mes frars
Cheu san ins leger «mes frars e mias soras». , ei numnadamein vegniu rapportau a mi tras la glieud dalla Cloa ch’ei regi discordia en vies miez. Jeu
manegel quei, che scadin da vus di: Jeu sun per Paulus, jeu per Apollos, jeu per Chefas, jeu per Cristus. Ei Cristus forsa dividius? Ei forsa Paulus vegnius crucifigaus per vus, ni essas vus
battegiai el num da Paulus?
Cristus ha gie buca tarmess mei a battegiar, mobein ad annunziar igl Evangeli, e quei buc en sabientscha dil plaid, per che la crusch da Cristus piardi buca sia vigur.
☛ 1. lecziun dalla dumengia: Jes 8,23b–9,3
☛ evangeli dalla dumengia: Mt 4,12–23
