dad Andri Casanova
Cun agid d’in veritabel cuntrast exprima Paulus, tgei muntada e tgei forza che l’ovra da Cristus ha per nus. El metta quels che vivan tenor la carn e quels ch’ein ragischai el spért in visavi l’auter. Per la cuminonza da Roma ch’ei il adressat dalla brev, va ei denton buc per eleger, anzi, entras lu batten e lur gie a Cristus avda il Spert da Diu en els. Els han pia tut quei ch’ei drova da viver in buna e plascheivla veta. Quei Spert stinschenta buc la carn, mobein vivifichescha ils corps e quei ha vigur. Nus essan veta e nus vein era la forza dad esser veta per auters.
Ro 8,8–11
Mes cars! Quels che vivan tenor la carn san buca plascher a Diu. Vus denton essas buca ragischai ella carn, mobein el spért, damai ch’il Spert da Diu avda en vus. Mo tgi che ha buca il spért da
Cristus, quel ei buca ses.
Sche Cristus ei en vus, lu ei il tgierp bein morts per cuolpa dil puccau, mo il spért ei veta per amur dalla giustificaziun.
E sch’il Spert da quel che ha leventau Jesus dils morts avda en vus, lu vegn quel che ha leventau Cristus Jesus dils morts a vivificar era vos corps mortals tras siu Spert che avda en vus.
