· 

Fiasta da Tschuncheismas (B)

da Marcel Köhle

Lucas, igl autur dils Fatgs dils apostels, descriva la fiasta da Tschuncheismas sco eveniment cun in grond effect. Tuts – senza distincziun – vegnan empleni cun la forza dil sogn Spert. Gedius e pagauns capeschan in l’auter ed ei seformescha cuminonza denter ils carstgauns dallas differentas religiuns, culturas e lungatgs.

En quella maniera serevelescha Dieus. El muossa als carstgauns ch’el ei datier ad els e quei era suenter l’ascensiun da Jesus. Tras igl agir dil sogn Spert schenghegia Dieus a nus ina nova experientscha dall’unitad e dalla veta.

Fatgs 2,1–11

Cu il di da TschuncheismasTschuncheismas fuva sper Pastgas e la fiasta dallas camonas la secunda gronda fiasta da pelegrinadi dils Gedius ei arrivaus, fuvan tut ils giuvnals el medem liug. Cheu tuttenina ha ei dau ina ramur giu da tschiel, sco cu in suffelil vent ei simbol dil Spert sogn vehement fracassa neutier, e quel ha empleniu l’entira casa, nua ch’ei fuvan. E lieungas sco da fiug ein cumparidas ad els e sespartidas e setschentadas sin in e scadin. Tuts ein vegni empleni cun Spert sogn ed han entschiet a plidar en lungatgs jasters, sco quei ch’il Spert deva en ad els da s’exprimer.

A Jerusalem avdavan Gedius, pietus umens ord scadin pievel sut il tschiel. Cu ei ha dau ina tala ramur, ei la fuola currida ensemen e fuva tut perplexa, pertgei scadin udeva els a plidond en siu lungatg. Els sesmarvegliavan zun fetg e schevan: Ein buca tut quels che plaidan Galilès? Daco sa mintgin da nus udir els en siu lungatg mumma: Parts, Meds ed Elamits, avdonts da Mesopotamia, Giudea e Cappadozia, Pontus ed Asia, Frigia e Pamfilia, dall’Egipta e dalla cuntrada da Libia viers Cirena, Romans, Gedius e proselitspagauns ch'ein seconverti tier il giudaissem, Crets ed Arabs – nus udin els a plidond en nos lungatgs dallas grondas ovras da Diu.

Download
Versiun per stampar
Tschuncheismas B.pdf
Adobe Acrobat Dokument 78.7 KB

☛ evangeli dalla dumengia: Gn 20,19–23