da
–
Ex 32,7–11.13–14
Lezs dis ha il Segner detg a Moses: Va e tuorna engiu; pertgei tiu pievel che ti has menau neuasi dall’Egipta commetta sacrilegi. Zun spert ein els untgi dalla via che jeu hai ordinau ad els. Els han fatg in vadi culau, han adurau el ed unfriu ad el schend: Israel, quei ei il diu che ha menautei siado dalla tiara d’Egipta!
E Jahve di a Moses: Jeu vesel che quei pievel ei in pievel stinau. Lai ussa far mei, che mia gretta s’inflammeschi encunter els, e jeu fetschi ir sutsu els; mo tei vi jeu far daventar in grond pievel.
Moses denton ha implorau il Segner siu Diu e detg: Segner, pertgei s’inflammescha tia gretta encunter tiu pievel che ti has menau ord la tiara d’E’gipta cun gronda pussonza e cun maun ferm? Seregorda da tes survients Abraham, Isac ed Israel, als quals ti has engirau ed empermess: Jeu vi far daventar vos descendents aschi numerus sco las steilas vid il firmament, e tut questa tiara, dalla quala jeu hai plidau, vi jeu dar a vos descendents, ed els duein posseder ella per adina.
Cheu ei il Segner s’enriclaus dalla malura ch’el veva smanatschau a siu pievel.
