da ser Jan-Andrea Bernhard
Adina puspei clarificonts ei il plaid da Diu! Tedlei: Strusch ei Niessegner prius si en tschiel s’entaupan ils giuvnals e las giuvnalas – gie, ins legia endretg – el local suren, nua ch’ei stevan pil solit. En quels gis cura ch’ei eran a Jerusalem vevan ei pia in local, nua che las giuvnalas ed ils giuvnals s’entupavan, regularmein. Ed uravan, gie perseveravan unanimamein ell’oraziun. Dunnauns ed umens. La mumma da Jesus, Maria, ed ils fargliuns da Jesus, Giachen, Giusep, Simon e Judas, e sias soras (Mt 13,55 s.).
Ils plaids schetgs da quella lecziun ein renviaments profunds sill’entschatta dalla baselgia ed al temps dall’emprema missiun ellas tiaras vischinontas. Dunnauns ed umens ein stai ils apostels. Quei ch’ei da sminar tenor la brev digl apiestel Paulus als Romans, ei pia stau la realitad. E tgi che crei buca dei ir a Ruma e mirar il mosaic ell’apsida dalla baselgia da sontga Pudenziana, ord il 4. Tschentaner: Duas dunnas stattan ensemen cun Pieder e Paul tier il Segner – en in liug, dil qual ins patratga ch’el seigi reservaus per umens…
Fatgs 1,12–14
Suenter che Jesus ei staus prius si en tschiel ein ils apostels returnai dil Cuolm dallas ulivas vi Jerusalem. Quei ei damaneivel, mo in viadi da sabat. Arrivai el marcau ein els i si el local suren, nua ch’ei stevan pil solit: Pieder e Gion, Giachen ed Andriu, Filip e Tumasch, Barclamiu e Mattiu, Giachen il fegl d’Alfeus, e Simon il Zelot, e Giudas il frar da Giachen. Quels tuts perseveravan unanimamein ell’oraziun, ensemen cun las dunnauns e Maria la mumma da Jesus e ses frars.
Suenter quels plaids eis el morts.
☛ evangeli dalla dumengia: Gn 17,1–11a
