da Flurina Cavegn-Tomaschett
Ils plaids che sogn Paul drezza allas cartentas ed als cartents da Filippi lain sentir che lur via dalla cardientscha era spinusa. Ils cristians da quei temps eran suttamess alla persecuziun. Tgi che suondava Cristus stueva quintar da piarder la veta. Ina dira fuorma da prender la crusch sin sesez e suondar il Salvader!
La pleiv da Filippi ei vegnida fundada sco ina dallas empremas ed ils cartents havevan pauca experientscha cun las consequenzas dalla persecuziun. Paulus vul far curascha ad els ed avertescha da star attaschai alla cardientscha. Lur pagaglia vegni ad esser en tschiel.
Fil 3,20–4,1
Mes frarsCheu san ins leger «Mes frars e mias soras».! Nossa patria ei en tschiel. Da leu spitgein nus nies Salvader, il Segner
Jesus Cristus. El vegn a transformar nies tgierp da miseria e far el semeglionts a siu tgierp da gloria tenor la pussonza, cun la quala el ei habels da suttametter a sesez igl entir
univers.
Perquei, mes frarsCheu san ins leger «mias soras e mes frars». zun carezai e ton desiderai, mia legria e mia cruna, stei aschia
ferms enten il Segner, mes cars!
☛ 1. lecziun dalla dumengia: Gen 15,5–12.17–18
☛ evangeli dalla dumengia: Lc 9,28b–36
