da sur Martin Bearth
Tgi porta la pagaglia a scadin tenor sias ovras? Tgi ei quei alfa ed omega, quei emprem e davos? – Jeu, Jesus, rispunda la visiun da sogn Gion. El ei la steila tarlischonta dalla damaun, l’aurora dalla nova veta.
E nus, nua essan nus pelegrins? Nus essan quels che lavan la vestgadira, quels che sesprovan sil viadi tras dis ed onns da sepreparar per l’entrada tras las portas dil niev marcau, sepreparar cun cardientscha, speronza e carezia. Nus essan quels che han seit, desideri per il niev dacasa, quels che selegran d’astgar clamar senza tema alla fin dil viadi: Neu, Segner Jesus!
Pal 22,12–14.16–17.20
Jeu, Gion, hai udiu ina vusch che ha detg a mi: Mira, jeu vegnel prest, e cun mei portel jeu la pagaglia per render a scadin tenor sias ovras.
Jeu sun igl alfa ed igl omega, igl emprem ed il davos, l’entschatta e la fin.
Beai quels che lavan lur vestgadira! Els han part dil pumer dalla veta ed astgan entrar tras las portas el marcau.
Jeu, Jesus, hai tarmess miu aunghel per annunziar a vus quellas revelaziuns partenent las baselgias. Jeu sun il descendent ord la ragisch e schlatteina da David, la steila tarlischonta dalla
damaun.
Il Spert e la spusa dian: Neu! E tgi che auda, repeti: Neu! Tgi che ha seit, duei vegnir! Tgi che ha desideri, duei retscheiver sco regal aua dalla veta.
Quel che dat perdetga, da quei di:
Gie, jeu vegnel prest!
Amen! Neu, Segner Jesus!
☛ 1. lecziun dalla dumengia: Fatgs 7,55–60
☛ evangeli dalla dumengia: Gn 17,20–26
