da Marcel Köhle
Mintgaton porta la veta nus a nos cunfins. Cura che nus essan surdumandai cun quitaus, stress ni las schliatas novas dil mund, mauncan savens ils plaids. Nus savein lu gnanc pli far
oraziun.
Ella lectura dad oz ord la brev als Romans dat igl apiestel Paul a nus ina biala consolaziun per gest quels muments. El fa endamen che nus stuein buc esser perfetgs. Sche nus essan senza plaids,
vegn il Spert da Diu en agid a nus.
El enconuscha nos desideris e sentiments, e porta quei che nus sezs savein buca metter en plaids avon Diu. Ins savess dir: Dieus auda nus, perfin lu sche nus savein mo pli quescher.
Ro 8,26–27
Mes cars! II Spert vegn en agid a nossa fleivlezia. Pertgei nus savein buca tgei rugar per urar scosauda. Mo cheu interceda il Spert sez per nus cun suspirs nunexprimibels. Denton quel che perscrutescha ils cors enconuscha las intenziuns dil Spert e sa ch’el interceda per ils sogns tenor la veglia da Diu.
☛ 1. lecziun dalla dumengia: Sab 12,13.16–19
☛ evangeli dalla dumengia: Mt 13,24–43
