5. […]
Tut ils sacraments, sco era tuts ministeris ecclesiastics e las ovras d’apostolat ein uni cun la sontga eucaristia en moda fetg stretga ed ein orientai viers ella. Facticamein ein tuts ils beins
spirituals della Baselgia, vul dir Cristus sez ch’ei nossas Pastgas ed il paun viv, cunteni ella sontga eucaristia. […] Perquei sepresenta l’eucaristia sco fontauna e tgiembel [«fons et culmen»,
cfr. LG 11] dell’entira evangelisaziun. […]
6. […]
Ina cuminonza cristiana vegn baghegiada si mo sch’ella ha ragisch ed encalchen ella celebraziun della sontga eucaristia, dalla quala scadina educaziun al spért de cuminonza sto prender
si’entschatta. Sche questa celebraziun vul esser cumpleina e sincera, sto ella, dall’autra vart, menar allas ovras de carezia, al sustegn vicendeivel, all’acziun missiunaria ed allas diversas
fuormas dil dar perdetga cristiana.
